►Yiinay yibaaxo yaqassiinay
►Yiinay axce way maca koh xiqa?
►Yoo baxah litom maca kot hayta?
►An baxay boolaate kinniyo
►Inni celtam yeffere kinniyo
►Koo cineh marah xiqe kinniyo
▬▬▬●▬▬▬▬
►Boola yoo dibuk macagaltay
►Xeflih Qafar baxi boola le
►Muxxi muxxi xarraqa yol tekkem
►Kitfen awqa tekke Qafar baaxo
►Cuggi cugga tekke Qafar xaylo
►Baaxoy yemeeti dabuq tekke
▬▬▬▬▬▬▬
►Xarraqis baxih baxa niqbam low
►Koo esseram faxam liyo niqbam low
►Iggimak tutaaxago net maggoh
►Cunxitaanamak hawa net maggoh
►Maalu waanamak rasi net cayya
►Baaxo waanamak rasi nek maggoh
►Nel boola manni gabuk radde?
►Boola nel way anni qaxak radde?
▬▬▬▬▬▬
►Laale num baxih baxa bilqitew
►Laahi can nakeh amo xagxagow
►Can nakeh inaaqitu yaaxigew
►Nel boola maggo qaxak radde
►Xeflih ku bisle marak radde
►Xinek akme yakke marak radde
►Saq kee can iyya marak radde.
▬▬▬●●▬▬▬▬
►Xarraqis baxih baxa niqballow
►Yab kok ismiteh uma yab malow
►Edde yabta yab duma nek xinto
►Tayse mablo tibbixek abbenno
►Obba kinni way date malsenno
►Kasle net taniih afa hirgenno
►urri net yaniih katay amqennok
►Ayselem waris mala malsennok?
°▬▬▬● ©005 ●▬▬▬▬
►Laale num baxih baxa bilqitew
►Yok wagitta mablo kok eegemeh
►Edde tan daban wagit ablettok
►Barte num num iyya daban wagit
►Darri maalu yekke daban wagit
►Lac le num lac iyya daban wagit
►Kok garil tanik tamaham wagit
°▬▬▬● ©006 ●▬▬▬▬
►Bilqitew saqah qarisen baxaw
►Carsa kot tenek rasi koo faxah
►Xiqto kot tenek qaki nee gufeh
►Innih ekkelek saqaw axcetto
►Kok kalih ku fiqma toh inteemi
►Baaxo takcanuh niyalem mabla
►Darri xalsituh niya lem mabla
►Xaylo barsituh niya lem mabla
►Iyya woysa yok mala takkuqem?
( ͡° ͜ʖ ͡°▬▬▬● ©007 ●▬▬▬▬
►Muxxi muxxi xarraqa yol takkem
►Takkem able waak rasi boolaateh
►Wayneh axce waak gide cerritteh
►Inkim axce waak mala nek toomeh
►Iggima maqat kabu nek gace
►Lakmi dalka way kabu nek gacte
►Boola yaanamak maca nek raqte?
►Yable rabbow elle cabo eymeeqey!!
# Qangor lem
# Yaasiin_Macammooda Yalli addunyak tayse akeera
kah yacay
# Abtem
# Ahmad al joohari yalli qafiyat kaah yacay