Egla-maqo
Egla-maqo, Qafar gad abah eglay 1962 Gabuuti
magaalal xiseeni, tama Egla naharak xisen saaku 6
yakke mari tet xise. Egla-maqoh aydaadi kaxxam ayti
gexxo baahe, Qafar sidiicamoh addal. Nammeyhaak,
Qafar addal kaxxa ayti gexxo le gadittek cabte Egla-
maqoh dokon. Qagitak egla maqoh addal gad-abak
sugte gad-aba Qafar sidiicaamol inkih timixxige gad
abaay, usun aben gaditte Qafar sidiicaamot makuh
tan. Qafar ken yab abinal ayse wayte’kal, sarrah
baya yab hinna kah yaabeenim. Qafar ken yab
taabeenimil sidiicaamo sidiica bandiirat luk sugak
manaay, sidiica doolatal kurruumak mana.
Egla-maqo naharak xise marih migooqa
1. Macammad Qali Talca
2. Ibrahim Diini
3. Sek acmad
4. Cammadu Daabale
5. Macammad Qumar
6. Saqiida Saqid bagulleh ‘’Atu yoo fan’’
Tokkel, migaq dooro tekkeeh, Egla-maqoh migaq
bahtem Sek Acmad. Raaqe mari oggoleh, migaq lakal
abba dooriteenih. Abbah Ibraahim Diini dooritten.
Egla-maqo kak hayte faraaqooy, 1963 eglak sumaq
warkat sarra BCIMR saqal yekke Macammad Adan
keenih bicse. Tohuk wadir Egla-maqo wadir ma xacco
Qafar fanni daaba korisseh ikkal.
Naharsi Ruwaayat 1962 Décember alsat heenih, too
Ruwaayatih migaq. “Tumcuggem toobokooy, nanu
inkih tooboko” deqsitak yen, tama Ruwaayatih addat
ten gadittek, gad kassiisa, “bukku tayro koru tan
fan” abtem, Cammadu Daabale.
Nammehaak heen Ruwaayatih migaq. “Qale reebiti
Qalla reebiti”.Tama ruuwaaytat sugte gaditte
kassiisek. <Angagayuk afracuk caraaqidak yol amey,
amey tiwis digirru waak amey” Ibrahim Macammad
Muusa.
Sidoccayto ruwaayatih migaq “tubbaritto diifuuy,
toogimaane dite”. Tama ruwaayatal galtoh Qali
Qaarif Burhaan kee Hajji Macammad Kaamil dahab
kaaqunta keenih teceh ten. Tohuk wadir, mango
gad-abaa kee kasle keenit tengeleeh, Amo gexak
mango gaditte aben.
Too waktit aben gaditte kassisnek.
1. “Yoh maqow yaanam ayrooy, yol xayow yaanan
ayro”, Talca abe.
2. “Anu elle anim kaamo hanaawiy raba elle abam,
Haarun Cummad abe.
3. “Takkem mangoh abe ken tekkek bictam mangoh
faxe ken tekkek, abe kal tu isih bice sinni’kkal”,
Talca abe.
4. “Anu akku waam yalli yaabu waa numu maqaanet
assiiseh inni magxisa”, Cammadu Daabale
5. “itritaay Qafar baxa ixxica woo migaaqa baxsa
sinnimik”, Sokkoro
6. “tamaatu wayta ayro malat sugaanam le”, Shek
Acmad abe
7. “kilbatak Qari namma leeffana takke baaxo luk
neh tu lem matan, imbidaay imbidaay xiinik imbida” S.
Acmad
8. “Labhay Qafarak kalbi boolok data mandaytu”
Macammad Saqbi
9. “Cato lih kah cate sinnik weenim ma cataanay
faxe waak edd’asan”Qado Macammad Qiise
Itla takke Qafarah kas yakke yaabah yaaben. Egla-
maqo Qafar addal cabte raat cabte egla ma tan, woo
dabaanal. Naharak Egla-maqok mukuc lafah sugtem
Macammad Qali TALCAK, teneeh, kay lakal Sek Acmad
kee Hammadu Daabale. Kinni way egla-maqoh dokon
boola le num luk mananna.
Egla-maqo ruwaayat elle hayte baaxooxa, warsek
mangom gabuutil hayta way dibuk gabuutit maysaddoy
mango baaxol hayteh. . Gabuuti baddoodik Tagorriy,
Cayyuy (obock) Dikilik Yooboki. Etobbiyak awsal
hayteeh, woo saaku Etobbiyaay asaaku Eretriya kinni
baaxok Qasabal hayteh, Tiiqol kaaduk hayte
source@ Yaf Yinti No.4

Koqso
elle raddam booxa koqso digran waqdi mariiy qaxak
digraah kulli mari isi inayta le
iisa aysinnaan marah yaceen
siyaasaakee koqso inkittu

MADQAH’ABBA
Giclo tascasse dorro
Giclo mango gexoh taniimi nascassem
Waysis kee geysisiy bica sinni nable
Assasaqqeyyooy assasaqqe’kala able
Giclo too fereyih fana elle nek baytam
Giclo tuk muumammay inki giclo uma
Waysiisiy sitta waysiisam faxayyaay
Geysiisiy sitta geysiisam fayya
Assasaqqeyyooy assaqqe liyotta
Assasaqqe kalay matassasaqqayya
Giclo muumammay inki giclo uma
Ittah aabakuk itta sadda giclo uma
Mariiy marat nek haa cord otoh teetiiy
Innih innik abam sinam yok abta axce
Sinam yok abtaamah weeqam eexegehik
Innih innik abaamah edde maay weeqoh?
Faxxam aaxige sinni fayxi tambullee
Niqbam aaxige sinni naqbi yambullee
Qilmi gaaboowam moyya tangale waqdi
Sitta luk gutqam qilmi yangale waqdiiy
Shaqbi yaynabe waqdi giclo tandarrem
Asaaku waak sugnem geyneh iyya maraw
Giclok abneemiik bisol tanim mango
Labhay woo tiya maatiyaay yok itteenik
Giclo kak yaanam labhay ummatah agle
Wayneh iyyeeenih kak orbe waanam tan
Geeh iyyeh num buxah luk aduure waam le
Kah uktem num gorrisak raageh meqe
Gorrisak raagem num geyiiy wayi yakke
Numuk buxal yanim giclooy garbo giclo
Raaqe num gexe num catam numuk giclo
Ah inkiih edde nek raqtam sitta liino
Ugut kee wadbaay giclok inkiino
Giclo wadba koh edde guftam inkiino
Giclo koh maqar edde bahtam inkiino
Kok gabat loonum kum abtam inkiino
Aalle waytam atu edde geytam inkiino
Edde elel’tam eleele waanam inkiino
Inkiino sinni giclot arac maxagna
Arac xaktam inkim axcuk abaanama
Qafar num issi afat yaabam iggimah le
Isi af iggimaay akak tatre yakkale
Ummatey baxi yok badawtu yakkeyya
Beedi afat baxi bartam ixxigah yable
Issi afat baxi yaabam iggimah yable
Mari afat tan ixxigah baxa yaagure
Konoy karmak duude wee baxa yaagure
Issi afat bartam duude wee baxa yaagure
Mari afat tan ixxigah baxa taagaruh
Edde kaa barissa afat mango qilmi yanih
Banaadamak maraay le afal yaaxigeenih
Barte afih diini edde kaak baritatta?
Tama dorro tamakket taade
MADQAH ABBA

Ranko Kee Xukkok Finqak Korsinnuh Nanu Ninni Agat Xukkok Nayyaquu Kasum Kee Celem Fida Kah Yekke , Gicloy Qeero Lek Addat Giirisnaah Caydu Kee Qablat
Abrakuk Xinnaah Wadirih Manna Xagna Kah Culle . Beynah Nan Giclo Ugut Kee Wadba Ni Sidiicaamo Ninnih Caglinnuuy Qafar Ayyunta Nayyunta Xukkok
Nayyaaqu , Beynah Nan Giclo Ugut Kee Wadba Ni Sidiicaamo Ninnih Caglinnuuy Qafar Ayyunta Nayyunta Xukkok Nayyaaqu . Nedrem Kee Xallem Cabneh Kah
Solleeh Guubuk Nexxeereh Garbo Kah Culle Bar Ditet Kuulak Laqo Ayrot Soolak , Manooy Noori Lek Raba Doorini Naqboyti Macxut Akah Garynem Nii Sidiicamo
Ninnih Caglinnu . Beynah Nan Giclo Ugut Kee Wadba Ni Sidiicaamo Ninnih Caglinnuuy Qafar Ayyunta Nayyunta Xukkok Nayyaaqu , . Beynah Nan Giclo Ugut Kee
Wadba Ni Sidiicaamo Ninnih Caglinnuuy Qafar Ayyunta Nayyunta Xukkok Nayyaaqu . Nanu Ninni Agat Buqret Dadlisnuh Agat Kunnabna Ninnih Caglinnuh Sayyo
Kee Lab Ha Fida Kah Tekke . Raqte Agiira Manol Kak Taniih Rabteemik Magaq Summaqah Yaniih Nagatow Ninnim Ninih Caglinnu Beynah Nan Giclo Ugut Kee
Wadba Ni Sidiicaamo Ninnih Caglinnuuy Qafar Ayyunta Nayyunta Xukkok Nayyaaqu . Beynah Nan Giclo Ugut Kee Wadba Ni Sidiicaamo Ninnih Caglinnuuy Qafar
Ayyunta Nayyunta Xukkok Nayyaaqu . Qukto Kke Foocah Nek Tayse Agiira Bar Ditet Kuulak Laqo Ayrot Soolak Naqboyti Macxut Kah Garete , Isi Amoh Xiini Le
Amo Baxxaqa Qafar Ayyunti Isih Caglitu Agat Kunnab Na Ninnih Caglinnu . Beynah Nan Giclo Ugut Kee Wadba Ni Sidiicaamo Ninnih Caglinnuuy Qafar Ayyunta
Nayyunta Xukkok Nayyaaqu . Beynah Nan Giclo Ugut Kee Wadba Ni Sidiicaamo Ninnih Caglinnuuy Qafar Ayyunta Nayyunta Xukkok Nayyaaqu .

Qasa bad wanoh le bandiratow |

Gacsa

Qasa bad wanoh le bandiratow

Ku siyasa baxo kah xinelem

Xinele(×2)



Qangoor

Ku rasiih gilalti k’asgayyele

Ku gubal ku xaylo ko waktele

Ku manol ku baxo qax bahele

Rasu noorisew ni bandiratow



Rasi kasle madqa koh madqele

Rasi kasle madqa koh madqele

Rasi miglisiil ku xagi awqele

Qasa bad ku xinto kah xinelem



N’inaak abba kinni bandiratow

Issi num fidaah le bandiratow

Macaruh ku xaylo koh gadele

Koh umam ku xaylo kok gasyele



Qangoor lem : Haroun Daoud Houmed

Abtem : Haroun Daoud Houmed

Taway maalikaa kee qafar af geyteemi
tamah af wagitta dorro
musaaqallil MAALIKAT qafar af garee
Naf kedonnaqabuh gexak suge finqah
Musaaqallil maalikat qafar af garee
Is qafar buxa gorrisak gexak sukte
Gital caxxal xukkutak teetit garee
Gitak batte kaxxa num kaa tekkele
Kaal matatrinnay kaay gexal gita makte
Idaltow anke gexxaatteh kaat garayte
Koo maxaggiyooy inni koh mawarsayye
Yot faxxam maaxigah gita yoh cabayye
Anu abalih finqah koo cabam maxiqatte
Anu kah ukte num takkay maaxigatte
Ku cuggih agbu kol Makkah yot gacatte
Xaagu kok kah abem umanse hinnatte
Yot garaytem idalti wakti hinnatte
Carra korta qasayro yot garaytetette
Batte num tekkek kaa gitat qidu waatte
Lee bakar yeellek kaa efqeh cabu waa’te
Nabsitek nabsik kaa wadeh cabu waatte
Koh inni warseyyoh yoo xigayye
Yok yi meela bayaay badat radatteyye
Meela num faxe waa haristu yabteyye
Maali gaddali koo le meela kabtayye
Maali gaddali yoo yi meela maabinnaay
Qayxixxi baacitek tuli naqsu yakke
Yi meela yafti naqsu abteeh baadah iyye
Sin tu taaxago yabtem afti naqsuyye
Kacni wakti marak asaaku maaluyye
Cuggaane takcinem tule gaddaliyye
Gaddalih maanaay cuggi yoo mafaxayye
Yolle kicnon aballi maalu mayyuyye
Labhay af kedok weeqah af qelaagisa labhay
Kulli num kicna maali gaddali kaa aba
Maali gaddali abteenik af dulaaleh
Tama dorro tamakket taade

Wakteh orbakkal wakri gaala

mayak.ma

sunkul assaamah dakni igiixo

mayabla